بخصوص دبة السوبربان LTZ 2007
0
0
إضغط هنا للإخفاء
السلام عليكم ورحمة الله
افيدوني يا اخوان الي فاهمين في الدبات الامامية ( دبات التلوث ) الخاصة بالسوبربان الأمريكي
انا فرغت الرصاص في الدبات الامامية بعد مشور ورشة من الورش الكبيرة مع الأسف ..
ولكن صوتها طبعا مرتبفع نوعا ما وحليو لا بأس
لكن انا ودي اركب له دبات امامية فيها رصاص شد بلد لأنها تحمي المكينة حسب ما فهمت
لقيت في موقع eBay :
http://www.ebay.com/itm/EASTERN-MANUFACTURING-Part-83166-Universal-Catalytic-Converter-/321349036884?pt=Motors_Car_Truck_Parts_Accessories&fits=Year%3A2007|Model%3ASuburban+1500|Submodel%3ALTZ&hash=item4ad1e52b54&vxp=mtr
سعرها عندنا يقولون بـ 1400 الحبة الوحدة
وسعرها من امريكا US $56.99 يا بلاش
بس انا ماعرف هل هي تركب عندي والا لا !!!!
الي يعرف فيها يعلمني الله لا يهينكم
ايضا احتاج فحمات سيراميك للجمس ولكن ما ادري وش الزين فيهم ؟؟
دلوني الله لا يهينكم
إبلاغ
الردود
1
0
مايهم عندي خير الله من الدس لايك هههههه
1
6
دبو راسك في جرجور مغسلة 2 بوصة ومسدودة بشعر بنقالية في مشحمة .. وش فيك ؟ سلامات داخل عرض !! امنعنا من الردى
0
2
والأخ buick83
بيض الله وجيهكم ولكم احلى لايك .. واتمنى لو فيه بعد زود معلومات افتوني وفقكم الله عن دبة التلوث والفحمات الأفضل والنوع او الشركة الأفضل في امريكا !
بغيت استفسر بعد عن صوت الأسكاليد ماشاءالله صوته رائع ! هل هي تعتمد على الدبات الأمامية او الخلفية ؟
0
0
اتمنى من الاخوة عدم التشجيع على فك الدبات ..لسببين:1- ماحطوها الشركات الا لسبب تنظبم الهواء الخارج من المكينة وايضا الداخل هذا غير استهلاك البنزين.
2- وهو الاهم البيئة ..ياخوان البيئة مو ملكنا عشان نلوثها شوفوا وقت صلاة الفجر الهواء نوعا ما نظيف مع ان بالجو تشوفون طبقات متراكمة من الدخنة السودا ماشفنا هذا باوربا وبامريكا هناك جوهم نظيف والسحب بيضاء مثل القطن والمشكلة نتمنى اجواءنا تكون مثلهم وحنا اللي نخرب بيئتنا...
هذا غير درجات الحرارة العالية بسبب ثقب طبقة الاوزون ..
0
0
انا ما فرغت الرصاص الي فيها الا بعد مشورة ورشة تشالينجر وهقوني
بالنسبة للتشليح اخوي طلال مريت عليهم .. بكل صدق تعسف في الاسعار
دبة تلوث الحبة اقل سعر 1400 يعني الحبة تطلع بـ 700 ريال
وفي الوكالة الدبتين 1900 يعني الحبة 950 ريال
اهلكونا يا طلال باسعارهم ورب البيت اهلكونا
توي جايب من موقع eBay طرنبة موية لكرايزلر فان تبع السواق كلفتني الى باب بيتي 430 ريال .. قبل شهر اترجى الوكالة يخصمون لي قيمتها من 1800 الى 1000 ريال خصوصا ان ماعندهم الا حبة وحده وفي ينبع وتوصل الرياض بعد 10 ايام
والحين شريتها من امريكا وفي شهر وصلتني بـ 430 ريال
ياشيخ ربك يسهلها
انا معك دبات التلوث لولا اهميتها ما ركبوها اصلا .. ولكن بما اني بركب .. ودي اركب شي كويس سواء تبع سكاليد او تبع نفس سيارتي ما تفرق اهم شي فيه دبات تلوث
شاكر لمرورك اخوي بندر
1
0
وحتى في ebay غالية
هذا رقم القطعة 25904628 لسيارة موديل 2007 حطه في ebay وشوف سعرها ب 533 دولار غير مصاريف الشحن
وحتى لو تبي تطلب من برا لابد من توفر رقم القطعة الخاص بسيارتك عن طريق رقم الشاص
الاسكاليد والدينالي الصوت من الدبة الخلفية
0
0
الي عندي LTZ تجي بهالشكل :
http://www.partsgeek.com/assets/perf/thumbn/3234-03191104-1489104.jpg
دبتين امامية موب دبة وحده
0
0
١- الدبات مهمة لصرفية ووزن دخول البنزين وكذلك لعدم تلوث البيئة
٢- السعر اللي حصلته بالموقع مناسب مايعادل ٢٠٠ ريال توكل علي الله وحدها وركب
٣- اقمشة السيراميك لابد تكون مع هوبات رياضية والا بتمسح الهوبات حقت السيارة بسرعة وتعدمها
بالتوفيق
قبل 10 سنه و 6 شهر